رجاءً لا تقول ..

قصيدة : رجاءً لا تقول .........!!
رسالة إلى كل من لم يقف بجانب وطنه في أزمة فبراير وجاء ليقاسمنا فرحة الوطن بالعيد الوطني المجيد :

يا خاين بلادك رجاءً لا تقول :
إن الوطن  روحك .. و إنك تعشقه  !

و انك إذا حان الوغــى شايل حمول
اتضحي بنفسك و مالك تدفقـــه ..

لا صفقتك تنفع ولا رقعك طبول :
بعض التجارب علمتنا التفرقة ....

مو كل من يمدح يلاقي له قبول
لا تختلق إحساس تبغى انصدقه
 كل مطلبك شهرة و كم فلس و وصول
و مطـْـلبْـكِ من حقــْـقــّه رحت اتلاحقه

تهدي له أبياتك على حسب الأصول
و إذا مدحه غيرك تروح تسابقه ..

المسألة تحتاج تحكيم العقول ..
يا مفبرك الكذب افشطور منمقة ..

عشق الوطن مو بعد ديسمبر يزول
عشق الوطن عار ان مثلك ينطقه

نعرف نوايا زمرتك ... محد جهول ..
كل ما بدر من غدر أمور موثــــقّة

يوم الوطن احتاج وقفات و فعول
و أعوان تدحر شر ناس تفتقه ...

زوّدت بجروحه و صعبّت الحلول
و صديت عنه قلت قلعه تلحقه

وين انته و وين الشعر ياللي تقول :
إن الوطن روحك و انك تعشقه ؟

لـــ / سبيكة محمد الشحي ...

7 ديسمبر 2011

القصيدة بالصوت /

http://www.4shared.com/get/WMm6XBBT/___online.html  

صفحة أحلى الكلام بجريدة الوطن /

http://www.alwatannews.net/pdf/2011/12/12_10_2011_iss2193_pg22_2011121041231.pdf