ينتابنا في بعض الأوقات عشقٌ لا نفضل الإعتراف به حتى لأنفسنا ،،
عشق مستور
لا صارت غرفتي عتمة ،، و ودّي تمتلي بالنور !
لا صارت غرفتي عتمة ،، و ودّي تمتلي بالنور !
تطريتك ، وجا طيفك ينوّر عتمة الغرفه
ياحب ٍ مرّض إحساسي ، ولا ينفع معه دكتور !
أبي صرفة مع " عشقك " : يا عشقه شوف لي صرفه !
وش الدبرة مع طيفك؟ يلاحقني في كل الدور ..
أغمض عنّه عيوني ! : و يجيني شوق و آوصفه !
فكل لحظة معي حاضر ، فكل نسمه ، فكل شعور !
أحطّ الكون في كفّه ، و حبك وحده فكفّه ..
أنا من كثر ما أعشق غرامك إنكتب دستور ..
يحتّم في حياتي عالمشاعر تحتمي خلفه
و إذا ما مرّت اطيوفك ،، أشوف الصبح ذا ديجور ..
يطيح النور من عيني .. و أحس بشي ما اعرفه
أفكر في نهايتنا ؟ متى حلمي يشوف النور ؟
بيحضن قلبك قليبي بكل الحب و اللهفة ؟
و إذا قلبك بيبكي لي إذا دمعي غدى مأسور؟
وإذا ضاقت علي دنياي من بيمد لي كفّه ؟
كثير اللي تحدّوني ، وقالوا : عايشه في دور !
و أمانه ! .. كنت أتدرب ! لجل ما أنصدم صدفة !
لأني أجهل إحساسك ، ولا أدري داخلك شـ يدور؟
و أدري باني من شفتك ،، عشقتك لكن بعفّه ..
كأنّ الله كتب لك في فؤادي " تستحل قصور "
و كنّه ما انخلق غيرك و لا اي شخص ٍاعرفه !
خفوقي / ينبض باسمك ، و لكن هالعشق مستور !
أخاف أطيح من عينك : إذا في يـــوم تكتشفه
صحيــــح أني كذا خجلى ، و لكنّــــي أكن شعور
تــــدور العالم بكبره ، ما تلقى ذرة من عطفه !
تخيل حتى في نومي : تخيلتك تجيني تزور !
تمنيتك تجي حلمي نجوب الكون و نلفه ..
تخيلت انها / ايديك تلملم حسي المنثور ،،
و إني عشت في كونك ،، و قلبك راد بي رأفه !
و لكن حتى أحلامي تعاند قلبي المكسور !
هويت النوم : لعيونك ! ، و عيا حلمي تشرفه ..
و إذا ما همّك إحساسي ،، ترى ما انته أبد مجبور
ما ودّي أجرح احساسك ، بدوّر لي معي صرفه
كلمات / سبيكة الشحي
صح لسانج عزيزتي
ردحذفكلمات رائعة ،، عاطفية ،، متوهجه المشاعر وتحمل صدق المشاعر البريئة
يزينها حياء المرأة الشرقية في الحب ،، الحياء المختبىء عنه ،، الحب العذري البريء الطاهر المتشدق بالخيال والاحلام وبامنيات يرجوا تحققها كواقع
البوح الادبي بكل اشكاله سواءعن طريق قصيدة جميلة كمثل قصيدتك او خاطرة او قصة يريح النفس المختبئة راء قصة يسترها الحياء والخجل يصقل القلم ويطور الاحساس
سلمتي عزيزتي على هذه الابيات الرقيقة المشاعر ،، لك شكري وقبلاتي ،، كوني بخير :)
اختك في الله : منى المطوع
نسيت ان اقول اهلا بك في عالم المدونات
ردحذفبداية جميلة وموفقة لك
آمل ان تستمتعي في هذا العالم الرحب بمواهب الشعر والادب :)
كأنّ الله كتب لك في فؤادي " تستحل قصور "
ردحذفو كنّه ما انخلق غيرك و لا اي شخص ٍاعرفه !
خفوقي / ينبض باسمك ، و لكن هالعشق مستور !
أخاف أطيح من عينك : إذا في يـــوم تكتشفه
مشاعر صادقه وجميلة من شاعرة صادقة الحروف والمعاني وجميلة الطرح
كأني شفت فابياتج درر وقصور من لـِشْعور
وكّنه ما انكتب شعرٍ وانا هاليوم أكتشفه
صح الله لسانج ولا هنتي
وبانتظار المزيد والمزيد هنا
وبانتظار قراءتها في الجرائد والمجلات
تحياتي
أخوك / محمد المناعي
صح السانج بنت خالتي واتريا يديدج :)
ردحذفخفوقي / ينبض باسمك ، و لكن هالعشق مستور !
ردحذفأخاف أطيح من عينك : إذا في يـــوم تكتشفه
صح الله لسانك أختي سبيكة ..
مبدعة صراحة :)
ماشاء الله عليج حبيبتي شاعرة
ردحذفصح السانج وصح القلب الي تكتبين منه خالص مشاعرج
بصراحة مبدعة واكثر من مبدعة
وتمنياتي لج بالتوفيق
وبانتظار جديدج الأحلى
تحياتي: مريم آدم
منى المطوّع ...
ردحذفإطالة أكثر من رائعة كنت انتظرها من زمن ..
أحمد الله إن كلماتي نالت على إستحسانك و رضاك
صح بـــدنك عزيزتي ..
و شكراً على قبلاتك الجميلة ، لك مثلها ..
و شكراً على ترحيبك بي
إختك / سبيكة الشحي
محمد المنّاعي ..
ردحذفصح بدنك ، و لا هان من قال
شهادة افتخر بها من شاعر مبدع مثلك ..
و صح لسانك ,, شكراً على إطرائك ..
أسعدني تواجك ..
لطيفة ،،،
ردحذفصح لسانك ..
و إنشالله في القريب العاجل =)
الشاعرة غادة العلوي ..
ردحذفصح بدنج إختي العزيزة ،،
هذا شوي من إبداعج ..
تقبلي تحياتي الحارة
أختك / سبيكة الشحي
مريم آدم ،،
ردحذفصح بدنج عزيزتي ..
و صح كلك و قلبك فديتك ..
شوي من إبداعج إختي ..
و جعل التوفيق فالج
إختك / سبيكة الشحي