ما جرحتك .. إلا لأني.. !

أصعب المواقف تكون عندما تخسر أربعة أشخاص في يوم واحد تحبهم من صميم قلبك

و السبب هو أسلوبك .. !

ما جرحتك .. إلا لاني.. !

لا تتضايق ..!

لو جرحتك ..

حاول تفكّر بأني "ما جرحتك " ..

إلا لاني

اعشقك و آموت و احيا 

لجل عشقك فيني يكبر ..!

لا تفكرني كرهتك ..

لا تخادعك الظنون

لا تفكر لو للحظة :

قلبي يقدر.. بس يتناسى حنانك !

 كثر ما تجرح احبك ..!

كثر دمعي في بعادك ..!

كثر صمتي في غيابك ..!

كثر ما أحسك في نبضي ،،

و أحكي عنك في منامي ،،

و في سكوتي..

و الله تلقاني أحاكي : هالسكوت ..!

: عن عشق كل يوم يكبر ،،

عن غلا جفف عروقي ،،

عن جنون الحب فيني ..

لين صرت .. !

ودي كل الناس تبعد ..

لجل أفكر فيك و حدّي !

و كل هذا .. 

و ما أحبك ؟!

أنشدك بالله حاول ..

و هم حاول ..

و لو ما تقدر تحاول ..  

جرب تحاول " تحاول " ..

بإنك تفكّر بأنّي 

ما جرحتك ..!

الا لأني اعشقك و أموت و احيا 

لجل عشقي فيك .. " يكبر " ... !

و إن جرحتك ..

كثر ما هالجرح مؤلم ..:

بلقى إن العشق يكبر .. !

و الله ما ودّي تعاني ... !

لا تتألم ..!

بس تـألَّـم ..!

ودي آحسّك معاي !!

ودي آحسك تبيني ..!

تدري وش صار فبعادك ؟

كنت في كل الثواني بك أموت 

و عقب لحظة أرجع أنسى ..

بأني قبل شوي مت ..!

و من جديد أرجع أحبّك !!

و الله حالة !!

روحي تشتاق لحنانك ..

ودي أغفى في عيونك .. !

و آتلحّف برموشك ..

و المطر يهطل بعنف ،

و الرعد يزداد قوة ،

و اللي تحميني جفونك ..!

ليه احبك ..؟

مدري و الله..

 ليه أحبك .. ؟!

ليه أحبك ؟

ودّي بحل للسؤالي .. !

ودّي آلقى له إجابة ..

حاول تدوّر إجابة ..

و بس من تلقى الأجابة 

خبري رقمي حافظه ..

لا تردد باتصالك .. !

بانتظارك ..

بانتظارك .. !

هذا قلبي 

 لك يدق .. !

و الله حالة .. !

أنشدك بالله حاول ..

حاول تفكّر بأني ..

و الله إن ما جرحتك ..

إلا لأني ..

أعشقك و آموت و أحيا ..

لجل هذا العشق يكبر .. !

سبيكة محمد الشحي

سبيكة تعشق الوحدة =) !

ينتابنا الضيق أحياناً .. و ما تلبث الدموع في التحول إلى حروف ...

و نصارع رغم كل الألم ..

إلى أن نصل إلى مرحلة نعشق الألم فيها ..

سبيكة تعشق الوحدة ..

أنـــــا اليــائس من الدنيا ؛ أنا العايـش بـــدون أصحــــــاب

أنـــــا اللي حدتــــّه العـــــبره : يـــــهوجس بالشعـــر وحده

أنـــــا  / ذاك العليــــل اللي : رغم  كل الــــدّوا ماطــــــاب !

أنــــا : فصــــــل الخريف اللي تساقط كل فرح بعده !

أنـــا عــايش ؛ أنـــا باقـــي ؛  و متــــعايش مـع الأكــــراب

رغم كــــل الأذى ببقــــى : أصـــــارع موجّـــــة الشـــــدّة !

تنــــاهيــــدي و أشجانـــــي  تخبيني ورا الأبــــــــواب ..

بعــد مــــا ماتـــــت أفراحـــــي أبقضـــــي هالعـــــمر عــــدّه

أبــــي غـــــربة تبــــهدلنــــي ، و أبي أبكي بدون حســـــاب

و أبــــي أنســـــى عنـــــى الدنـــــيا ، و أظل براحــــتي مدّة

أبـــخلــــــع ثــــــوب أحـــزاني ، و أبــفتــــح للأمـــل دولاب

بخلي درج لأحـــــلامي .. و أبجــــعل للعــــزم وحــــدّه !

و أبتعـــــطّر مـــن أشـــواقي إلا منّـــــهم طـــرّوا الأحبــــاب

و بخــــــفي بالكــــــحل حزني ، إذا صــــــــــبري وصل حدّه

و إذا حققت أهـــــدافي  ، بطيّـــــــــر فـــــــــــالسما أسراب

تقول لكل عذالي .. " سبـــــــــيكه تعشق الوحــــــــــده ! "

سبيكة الشحي